ఫ్రెండ్ పెళ్లిలో సందడి చేసిన సమంత!

దక్షిణాది టాప్ హీరోయిన్లలో ఒకరైన సమంత, తన స్నేహితురాలి పెళ్లి వేడుకల్లో పాల్గొని సందడి చేసింది. క్రైస్తవ సంప్రదాయంలో జరిగిన ఈ వివాహ వేడుక చిత్రాలను అభిమానుల కోసం ఇన్ స్టాగ్రామ్ లో షేర్ చేసింది. తన జీవితంలో ఎంతో ముఖ్యమైన స్నేహితులు వీరేనని ఓ గ్రూప్ ఫోటోను కూడా ఉంచింది. ఈ చిత్రాల్లో వధువు తెలుపు రంగు దుస్తుల్లో మెరుస్తుండగా, సమంత సహా ఆమె స్నేహితులంతా నీలి రంగు వస్త్రాల్లో ఉన్నారు. కాగా, ప్రస్తుతం 'మజిలీ' చిత్రం విజయాన్ని ఆస్వాదిస్తున్న ఆమె, తదుపరి '96' రీమేక్ లో నటిస్తోంది.